Harvey Elliot, yngsti leikmaður í sögu ensku úrvalsdeildarinnar, er að ganga í raðir Liverpool. Þetta segir Sam Wallace á Telegraph og tekur Neil Jones, sem fjallar um Liverpool fyrir Goal, undir það.
Elliott, fæddur 2003, komst í sögubækurnar þegar hann kom inn af bekknum í 1-0 tapi Fulham gegn Wolves í ensku úrvalsdeildinni í maí. Hann varð þar með yngsti leikmaður í sögu deildarinnar, aðeins 16 ára og 30 daga gamall.
Hann hafnaði samning við Fulham og voru mörg félög á eftir honum. Til að mynda Barcelona, Real Madrid og RB Leipzig. Liverpool virðist vera að vinna kapphlaupið um hann, en hann var mikill stuðningsmaður Liverpool þegar hann var yngri.
Liverpool mun þurfa að borga Fulham uppeldisbætur fyrir þennan 16 ára gamla leikmann.
Fulham leikur í Championship-deildinni á næsta tímabili eftir að hafa fallið úr ensku úrvalsdeildinni á síðustu leiktíð.
Ef félagaskiptin ganga upp verður hann annar leikmaðurinn sem gengur í raðir Evrópumeistara Liverpool í sumar. Hinn leikmaðurinn var Sepp van der Berg, ungur hollenskur varnarmaður sem kom frá PEC Zwolle í Hollandi.
As reported elsewhere (first by @SamWallaceTel), #LFC are on the verge of signing 16-year-old Harvey Elliott from Fulham.
— Neil Jones (@neiljonesgoal) July 8, 2019
Left-footer who plays on either flank, grew up a big Reds fan and became the youngest player in @premierleague history in May. LFC will pay compensation.
Athugasemdir