AC Milan keypti nýlega bakvörðinn Theo Hernandez frá Real Madrid fyrir 20 milljónir evra.
Theo, sem er 21 árs, tókst ekki að vinna sér sæti í byrjunarliði Real og lék aðeins 23 leiki á tveimur árum. Hann segist vera mættur til Milan til að vinna Meistaradeildina.
„Ég er mjög spenntur og ánægður að ganga í raðir Milan," sagði hann í myndbandi sem var birt á Instagram-reikniningi AC Milan.
„Ég mun gera mitt besta fyrir félagið. AC Milan er frábært félag og ég er kominn hingað til að komast á topinn og vinna Meistaradeildina."
AC Milan tekur ekki þátt í Evrópudeildinni á komandi tímabili þátt fyrir að hafa unnið sér þátttökurétt í henni með því að enda í fimmta sæti í ítölsku A-deildinni.
Þetta er meðal þess sem er niðurstaðan í samkomulagi við UEFA vegna brota AC Milan á reglum um fjármál á árunum 2015-2018.
AC Milan vann Meistaradeildina síðast árið 2007.
Athugasemdir