„Þetta var svekkjandi, við ætluðum að koma og taka þrjú stig. Það var ekkert jafntefli eða tap í stöðunni, en þetta gekk ekki núna og við ætlum bara að koma sterkar í næsta leik, “ sagði Sveindís svekkt eftir 5-1 tap gegn Val í 9. umferð Pepsi Max deildarinnar í kvöld.
Lestu um leikinn: Keflavík 1 - 5 Valur
Keflavík komst yfir á 15. mínútu leiksins og leiddu 1-0 í leikhléi.
„Það var frábært að fara með 1-0 inn í hálfleik en við bara duttum niður og áttum eiginlega bara engan séns í þennan leik í seinni. Við komum ekki til leiks og þær bara völtuðu yfir okkur.“
„Við áttum tvo góða leiki síðast en þetta stoppar okkur ekki, alls ekki. Við mætum bara í næsta leik tilbúnar og ætlum að taka þann leik auðvitað,“ sagði Sveindís jafnframt en Keflvíkingar höfðu unnið tvo síðustu leiki 4-0 og 5-0.
„Við ætlum ekki að hætta hérna og ætlum að taka öll þrjú stig sem við getum og halda áfram bara.“
Viðtalið má sjá í heild í spilaranum hér að ofan.
Athugasemdir