Romero, sem er 21 árs gamall, kom til Genoa fyrir síðasta tímabil og lék 27 leiki og skoraði 2 mörk fyrir ítalska félagið.

Hann er miðvörður að upplagi en hann virðist hafa heillað stærsta liðið á Ítalíu því Juventus er að ganga frá kaupum á honum.

Juventus borgar Genoa 15-20 milljónir evra fyrir hann og fer hann í læknisskoðun hjá meisturunum á morgun.

Hann verður síðan lánaður aftur til Genoa út tímabilið.

Atalanta hafði einnig áhuga á að fá hann á láni en Romero valdi að fara aftur til Genoa.

Juventus hefur verið duglegt á markaðnum en félagið er búið að fá Adrien Rabiot, Aaron Ramsey, Gianluigi Buffon, Wesley, Merih Demiral og Luca Pellegrini. Þá er Mathijs de Ligt væntanlegur frá Ajax á næstu dögum.