Markvörðurinn reyndi Scott Carson er á leið í læknisskoðun hjá ensku meisturunum í Manchester City.
Carson kemur á láni frá Derby County út tímabilið.
Manchester City vildi fá þriðja markvörð til að vera Ederson og Claudio Bravo til halds og trausts eftir að Arijanet Muric fór til Nottingham Forest á láni.
Hinn 33 ára gamli Carson varð fyrir valinu en hann á langan feril að baki í enska boltanum.
Carson hefur meðal annars spilað með Liverpool, Charlton, Aston Villa, WBA, Wigan og Derby á ferli sínum.
Athugasemdir