Stuðningsmenn Crystal Palace hafa fengið gleðitíðindi því kantmaðurinn öflugi Wilfried Zaha verður ekki seldur áður en félagaskiptaglugginn lokar klukkan 16:00. Sky Sports segist hafa fengið þetta staðfest úr herbúðum Crystal Palace.
Arsenal og Everton hafa bæði reynt að kaupa Zaha í sumar en án árangurs.
Crystal Palace setti mjög háan verðmiða á Zaha en 70 milljóna punda tilboði frá Everton var hafnað sem og 40 milljóna punda tilboði frá Arsenal fyrr í sumar.
Zaha vildi sjálfur fara en hann æfði ekki með liðsfélögum sínum hjá Crystal Palace í dag.
Crystal Palace mætir einmitt Everton í fyrstu umferð ensku úrvalsdeildarinnar á laugardag og spennandi verður að sjá hvað Zaha spilar stóra rullu í þeim leik.
Athugasemdir