„6-0 er bara verðskuldað, eins asnalega og það hljómar. 8-0 hefði verið verðskuldað," sagði Eiður Smári Guðjohnsen, markahæsti maður Íslands frá upphafi, á Stöð 2 Sport eftir 6-0 tap Íslands gegn Sviss í dag.
„Við eigum tvö hálffæri. Jón Daði (Böðvarsson) í fyrri og seinni hálfleik. Ég man ekki eftir leik, alveg sama hvernig úrslitin hafa verið, að við sköpum okkur ekkert. Við sköpuðum ekki neitt í dag."
Ólafur Ingi Skúlason, fyrrum landsliðsmaður, tók í sama streng í settinu hjá Stöð 2 Sport.
„Það er ekki hægt að vera með neinar afsakanir. Þetta var hörmung frá A-Ö."
„Það sést ekki oft í alþjóðlegum fótbolta að lið fái sex mörk á sig. Þetta eru tvö lið sem voru á HM og það er ekki svona mikill munur á þessum liðum."
Sjá einnig:
Smelltu hér til að lesa beina textalýsingu
Einkunnir Íslands - Skelfileg frammistaða í Sviss
Twitter - Heimir aftur heim
Athugasemdir