Griezmann var nokkuð líflegur í leiknum en hann hefur verið lykilmaður í franska landsliðinu undanfarin ár.

Griezmann fór á punktinn í stöðunni 2-0 en brenndi af. Hann bætti þó upp fyrir það með því að leggja upp mark fyrir Kingsley Coman en hann grínaðist með ástæðuna á bakvið klúðrið.

„Ég veit ekki hvað gerðist. Ég bara hef ekki hugmynd en samt eins og ég sagði áðan þá er það sennilega af því eiginkona mín horfði ekki á leikinn!" sagði Griezmann og hló.

Hægt er að sjá spyrnuna hér fyrir neðan en hann þrumaði í slá áður en boltinn skoppaði af línunni og út.