Lestu um leikinn: Stjarnan 4 -  1 Keflavík

Keflavík komst yfir í leiknum með marki frá Maired Clare Fulton og var staðan því 1-0 þegar flautað var til loka fyrri hálfleiks en Stjarnan mætti af krafti inn í síðari hálfleikinn og skoraði fjögur mörk.

„Svo sannarlega. Þær refsuðu okkur og við náðum ekki að refsa þeim í fyrri hálfleik. Við nýttum færin illa og þetta var leikur tveggja gjörólíkra hálfleika," sagði Gunnar.

„Það gerist eitthvað í seinni hálfleik hjá okkur. Stjörnustelpur komu grimmar og við vorum ekki tilbúnar að taka á móti því. Við brotnuðum í dag en sigurinn er frekar stór miðað við færi og þær voru öflugar í seinni hálfleiknum og refsuðu okkur illa."

Keflavík er í slæmri stöðu en liðið er í 9. sæti með 12 stig þegar tvær umferðir eru eftir. Tveimur stigum á eftir ÍBV.

„Þetta verður erfiðara og erfiðara ef við náum ekki að safna stigum í púkkin. Staðan er svört. Við eigum eftir HK/Víking heima og svo Val úti og eins og Valsstelpurnar eru að spila þá eru engin lið að eiga í þær en ef ég tala í hreinskilni þá erum við í slæmri stöðu."

„Við þurfum að treysta meira á sjálfa okkur og ná í einhver stig úr þessum leikjum og við þurfum að byrja á að gera það á móti HK/Víking og sjá hvert það fleytir okkur," sagði hann í lokin.