Kjartan Stefánsson, þjálfari Fylkis, var ekki nógu hress með sóknarleik liðsins í 1-0 tapinu á Selfyssingum í dag.
Lestu um leikinn: Selfoss 1 - 0 Fylkir
Hólmfríður Magnúsdóttir gerði eina mark leiksins en Fylkisliðið átti afar erfitt uppdráttar sóknarlega og náði ekki að skapa sér mikið af færum.
„Ég er mjög svekktur að tapa hérna en fengum mark á okkur á 3. mínútu þar sem við vorum of værukærar. Hefðum átt að fylla betur í svæði og vantaði kraft fram á við," sagði Kjartan við Fótbolta.net.
Barbára Sól Gísladóttir átti góðan leik í vörn Selfyssinga en hún náði að halda Ídu í skefjum allan leikinn.
„Ég veit það ekki alveg en það var eitthvað að þvælast fyrir henni í byrjun en hún náði alveg að ráða fram úr því. Við vorum bara að taka rangar ákvarðanir."
Fylkisliðið kom upp úr Inkasso-deildinni en liðið hefur verið í baráttu í efri hluta deildarinnar og er nú í 5. sæti með 22 stig.
„Það er alveg klárt og við viljum halda áfram þessu og reyna að stimpla okkur inn með að spila okkar bolta og vera líkar sjálfum okkur en sóknarlega í dag vorum við svolítið frá því."
„Ég vil meina ef þú nýtir ekki tímann þinn í Inkasso og vinnur vel í þeim málum þá er það slappt að koma upp og vera ekki búinn að leggja góðan grunn. Við ætluðum okkur að spila góðan bolta og ætluðum að halda í það, við kannski breyttum smá áherslum í varnarleik en óheppnar með meiðsli svona varnarlega séð," sagði hann í lokin.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir