Jóhann Berg Guðmundsson á æfingu Íslands í Izmir í dag.
Gylfi er búinn að jafna sig á veikindum.
Frá æfingu Íslands í Izmir.
Ísland spilar á morgun annan leik sinn í Þjóðadeildinni. Eftir 2-0 sigur gegn Svartfjallalandi á föstudag, þá er komið að því að heimsækja Tyrkland í Izmir.
Á fréttamannafundi í dag var sagt frá því að staðan á hópnum væri góð og leikmenn væru klárir í slaginn.
Á fréttamannafundi í dag var sagt frá því að staðan á hópnum væri góð og leikmenn væru klárir í slaginn.
Við spáum því að það verði samt sem áður fjórar breytingar á byrjunarliðinu þar sem það er svo stutt á milli leikja.
Við spáum því að það verði bakvarðabreytingar; Guðlaugur Victor Pálsson komi í hægri bakvörðinn fyrir Alfons Sampsted og Kolbeinn Birgir Finnsson í vinstri bakvörðinn fyrir Loga Tómasson.
Þá komi Willum Þór Willumsson á hægri kantinn fyrir Mikael Anderson og Andri Lucas Guðjohnsen upp á topp fyrir Orra Stein Óskarsson. Orri gerði fyrra markið í síðasta leik en það hefur heyrst að planið hafi verið að þeir myndu skipta leikjunum á milli sín og mögulega hentar leikurinn betur fyrir Andra á morgun.
Svo er spurning hvort Arnór Ingvi Traustason komi inn en hann var tæpur fyrir síðasta leik. Stefán Teitur Þórðarson og Jóhann Berg Guðmundsson léku frábærlega saman á miðsvæðinu gegn Svartfjallalandi. Það verður fróðlegt að sjá hvort reynsluboltarnir Jóhann Berg og Gylfi Þór Sigurðsson geti byrjað annan leikinn í röð.
Leikur Tyrklands og Íslands hefst 18:45 annað kvöld og er auðvitað í beinni textalýsingu á Fótbolta.net.
Athugasemdir
