Ísland mætir heimsmeisturum Frakklands í vináttulandsleik á fimmtudagskvöld. Landsliðshópurinn hefur hafið sinn undirbúning fyrir leikinn en Fótbolti.net ræddi við markvörðinn Rúnar Alex Rúnarsson við hótel Íslands í kvöld.
Rúnar Alex spilar með Dijon í frönsku úrvalsdeildinni og segist finna fyrir því að hann spili í landi heimsmeistarana.
Rúnar Alex spilar með Dijon í frönsku úrvalsdeildinni og segist finna fyrir því að hann spili í landi heimsmeistarana.
„Þeir eru mjög stoltir og mega líka vera það. Þeir munu lifa á þessu í dágóðan tíma og eiga þetta skilið," segir Rúnar Alex.
Hann segir að tímabilið hingað til hafi verið skemmtilegt en Dijon situr í 16. sæti af 20 liðum.
„Það var geggjað að byrja tímabilið á þremur sigrum, síðan þá höfum við hikstað en fótbolti er þannig að þú vinnur og þú tapar. Við þurfum bara að tækla þetta og ég held að við komum sterkari út úr þessu. Mér hefur persónulega gengið mjög vel. Ég er mjög sáttur við það sem ég hef gert og þarf bara að byggja ofan á það."
Rúnar Alex vonast eftir því að verða aðalmarkvörður landsliðsins.
„Það vita allir að ég vil spila, það er ekkert leyndarmál. Það vill enginn fótboltamaður í heiminum sitja á bekknum. Þetta er ekki mín ákvörðun, ég geri bara allt sem ég get gert til að pressa á alla að koma að þessu. Ég vona að ég sé að færast nær," segir Rúnar en viðtalið er í heild sinni í sjónvarpinu hér að ofan.
Athugasemdir