fim 08. nóvember 2018 23:35
Brynjar Ingi Erluson
Cech: Hugur okkar allra er hjá Welbeck
Petr Cech
Petr Cech
Mynd: Getty Images
Petr Cech, markvörður Arsenal á Englandi, vonast til þess að Danny Welbeck nái sér sem allra fyrst en hann var borinn af velli eftir hálftímaleik í Evrópudeildinni í kvöld.

Welbech fór meiddur af velli eftir að hafa lent afar illa er hann reyndi að stanga fyrirgjöf Stephan Lichtsteiner. Svo virðist sem að Welbeck hafi ökklabrotnað við þetta en hann er á leið í myndatöku á spítala í London.

Samningur Welbeck við Arsenal rennur út næsta sumar og gæti þetta því haft mikil áhrif á framtíð hans.

„Þetta leit út fyrir að vera mjög slæmt með Welbeck og það er aldrei fallegt að sjá það. Hugur okkar allra er hjá honum og einnig Stephan Lichtsteiner," sagði Cech.

Lichtsteiner fór einnig meiddur af velli á 73. mínútu en óvíst er hversu lengi hann er frá.
Athugasemdir
banner
banner
banner
banner