Koscielny hefur verið fjarri góðu gamni eftir að hann sleit hásin gegn Atletico Madrid í Evrópudeildinni í apríl.

Hann hefur verið að æfa með liðsfélögum sínum og gæti byrjað að spila aftur þegar landsleikjahléinu er lokið seint í nóvember.

„Hann er að færast nær því að geta spilað aftur. Við erum ánægðir með hann, honum líður," sagði Emery.

„Hann er betri á hverjum degi. Við munum taka stöðuna eftir landsleikjahléið."

Koscielny er fyrirliði Arsenal og það verður gott fyrir liðið að fá hann aftur í hjarta varnarinnar.

Arsenal mætir Sporting Lissabon í Evrópudeildinni í dag og getur með sigri tryggt sér farseðilinn í 32-liða úrslit.