fim 08. nóvember 2018 18:30
Magnús Már Einarsson
Gracia að fá verðlaun fyrir vel unnin störf
Mynd: Getty Images
Javi Gracia, stjóri Watford, er að ganga frá nýjum þriggja ára samningi við félagið.

Gracia gerði eins og hálfs árs samning við Watford þegar hann tók við af Marco Silva í janúar.

Gracia náði að rétta skútuna af á síðasta tímabili og enda í 14. sæti eftir niðursveiflu á miðju tímabili.

Watford hefur síðan byrjað þetta tímabil vel en liðið er í áttunda sæti eftir sex sigurleiki í fyrstu ellefu umferðunum.

Forráðamenn Watford ætla því að verðlauna Gracia með nýjum og lengri samning.
Athugasemdir
banner
banner
banner
banner