Portúgalski þjálfarinn Andre Villas-Boas vonast til að snúa aftur í þjálfun á næsta tímabili.
Hinn 41 árs gamli Villas-Boas hætti hjá kínverska félaginu Shanghai SIPG í nóvember og ákvað að snúa sér að rallý. Villas-Boas tók þátt í Dakar rallýinu en þurfti að hætta keppni þar vegna meiðsla.
Þessi fyrrum stjóri Chelsea og Tottenham vonast til þess að snúa aftur í þjálfun fljótlega.
„Ég vonast til að snúa aftur á næsta tímabili," sagði Villas-Boas í samtali við portúgalska fjölmiðilinn O Jogo.
Í grein Goal.com kemur fram að Villas-Boas sé spenntur fyrir því að fara til Þýskalands, hann sé að læra þýsku.
Athugasemdir