Hægt er að búast við miklu fjöri strax í hádeginu Bournemouth fær toppbaráttulið Liverpool í heimsókn.

Liverpool er í dauðafæri á að hirða toppsætið af Englandsmeisturum Manchester City, sem eiga gríðarlega erfiðan útileik síðar í dag.

Joe Gomez verður ekki í liði Liverpool í dag og þá eru Sadio Mane og Andy Robertson tæpir.

Aron Einar Gunnarsson og Jóhann Berg Guðmundsson eiga mikilvæga fallbaráttuleiki á heimavelli á meðan Manchester United spilar við Fulham í beinni útsendingu frá Old Trafford og Arsenal fær Huddersfield í heimsókn.

West Ham og Crystal Palace mætast þá í Lundúnaslag áður en Chelsea tekur á móti Man City í stórleik helgarinnar.

Chelsea er búið að tapa tveimur af síðustu þremur leikjum sínum á meðan Man City virðist vera óstöðvandi, en Englandsmeistararnir eru vængbrotnir.

Benjamin Mendy er frá vegna meiðsla og þá eru Sergio Agüero, Vincent Kompany, Kevin De Bruyne og Oleksandr Zinchenko tæpir. Marco van Ginkel er meiddur í liði heimamanna og Ross Barkley tæpur.

Leicester City tekur að lokum á móti Tottenham í síðasta leik dagsins. Tottenham er í þriðja sæti sem stendur, átta stigum frá toppnum. Leicester er um miðja deild.

Leikir dagsins:
12:30 Bournemouth - Liverpool (Stöð 2 Sport)
15:00 Arsenal - Huddersfield
15:00 Burnley - Brighton
15:00 Cardiff City - Southampton
15:00 Manchester United - Fulham (Stöð 2 Sport)
15:00 West Ham - Crystal Palace
17:30 Chelsea - Manchester City (Stöð 2 Sport)
19:45 Leicester City - Tottenham Hotspur (Stöð 2 Sport)