N'Golo Kante skoraði fyrra mark Chelsea í 2-0 sigri á Manchester City í kvöld, þetta var fyrsti deildarleikur sem Manchester City tapar á tímabilinu.
Kante telur Manchester City vera besta lið Englands.
„Þetta er frábær tilfinning. Þeir eru besta lið Englands og við þurftum að leggja mikið á okkur til að ná í þennan sigur," sagði Kante.
Chelsea tapaði á miðvikudaginn gegn Wolves á útivelli, Kante segir það mikilvægt að ná að vinna strax eftir tapleik.
„Það var mikilvægt að bregðast strax við tapinu á miðvikudaginn og vinna í dag. Við áttum mjög góðan leik og verðum að halda áfram á þessari braut."
Næst á dagskrá hjá Chelsea er útileikur í Evrópudeildinni þar sem þeir mæta Vidi FC í Ungverjalandi á fimmtudaginn, næsti deildarleikur er hins vegar gegn Brighton þann 16. desember.
Athugasemdir