Kylian Mbappe minnist þess þegar hann var næstum farinn til Arsenal sumarið 2017 en valdi að fara frekar yfir til Paris Saint-Germain eftir samtal við Unai Emery, þáverandi þjálfara PSG og núverandi þjálfara Arsenal.
Arsene Wenger var í samskiptum við Mbappe sem hafnaði að lokum tækifærinu að fara til Englands til að ganga til liðs við langbesta lið franska boltans.
„Hann er alvöru goðsögn í knattspyrnuheiminum. Það eru ekki margir sem njóta jafn mikillar virðingar og hylli og hann," sagði Mbappe um Wenger.
„Við vorum í samskiptum áður en ég skrifaði undir hjá PSG. Ég valdi að fara aðra leið en hann var ekki pirraður út í mig. Hann var herramaður og óskaði mér góðs gengis."
Athugasemdir
