Nýbúið er að flauta til hálfleiks í viðureign Bournemouth og Liverpool í ensku úrvalsdeildinni og leiða gestirnir með einu marki gegn engu.
Mohamed Salah skoraði eina mark hálfleiksins á 25. mínútu þegar hann fylgdi skoti frá Roberto Firmino eftir.
Skotið frá Firmino virtist ekkert sérlega hættulegt en Asmir Begovic náði ekki að halda boltanum og varði hann út í teiginn.
Salah var þá fyrstur til boltans og skoraði örugglega, en endursýningar sýndu egypska snillinginn vera í rangstöðu þegar skot Firmino lagði af stað.
Hægt er að sjá markið með að smella hér.
Athugasemdir
