Spánn: Athletic og Atlético á svakalegri siglingu - Griezmann skoraði í uppbótartíma

Baskaliðið hefur verið í frábæru formi síðustu tvo mánuði en á þessum tíma hefur liðið unnið átta og gert þrjú jafntefli í öllum keppnum.

Aitor Paredes og Inaki Williams sáu um mörkin hjá Athletic í kvöld sem er nú í 4. sæti með sex stiga forystu á næsta lið.

Osasuna gerði á meðan 2-2 jafntefli við Alaves en Osasuna er í 7. sæti með 24 stig á meðan Alaves er í 15. sæti með 15 stig.

Það var þá mikið fjör í lokaleik dagsins er Atlético Madríd tók á móti Sevilla.

Argentínski miðjumaðurinn Rodrigo De Paul kom Atlético yfir með góðu marki á 10. mínútu en gestirnir svöruðu með tveimur mörkum á tuttugu mínútum.

Juanlu Sanchez kom Sevilla í tveggja marka forystu snemma síðari hálfleiks en Atlético tókst að bregðast við. Antoine Griezmann minnkaði muninn með sjötta deildarmarki sínu áður en Samuel Lino jafnaði metin þegar tíu mínútur voru til leiksloka.

Í uppbótartíma skoraði Griezmann, sem er markahæsti leikmaður í sögu Atletico, sigurmarkið í fimmta sigri liðsins í röð.

Atlético hefur unnið níu leiki í röð í öllum keppnum og ekki tapað leik síðan 26. október.

Liðið er í 3. sæti deildarinnar með 35 stig, þremur stigum frá toppnum en Sevilla í 13. sæti með 19 stig.

Athletic 2 - 0 Villarreal
1-0 Aitor Paredes ('15 )
2-0 Inaki Williams ('69 )

Atletico Madrid 4 - 3 Sevilla
1-0 Rodrigo De Paul ('10 )
1-1 Dodi Lukebakio ('12 )
1-2 Isaac Romero Bernal ('32 )
1-3 Juanlu Sanchez ('57 )
2-3 Antoine Griezmann ('62 )
3-3 Lino ('79 )
4-3 Antoine Griezmann ('90 )

Osasuna 2 - 2 Alaves
0-1 Kike Garcia ('1 )
1-1 Ante Budimir ('54 )
2-1 Ruben Garcia ('61 )
2-2 Kike Garcia ('68 )