Óttar Magnús Karlsson varð að hætta leik í stutta stund á fyrstu æfingu íslenska landsliðsins í Katar í gær en hann fékk högg á andlitið og blóðnasir í kjölfarið.
„Þetta var smá brösug byrjun en þetta stoppaði fljótt og ég er í góðum málum," sagði Óttar við Fótbolta.net eftir æfinguna.
Óttar gekk á dögunum til liðs við Mjallby í sænsku B-deildinni eftir að hafa verið í láni hjá Trelleborg frá Molde á síðasta tímabili.
„Það var ýmislegt sem kom upp í Skandinavíu og heima en það var eitthvað sem ýtti mér í þessa átt. Ég hef mjög góða tilfinningu fyrir þessu og tel að þetta sé rétt skref akkúrat núna."
„Ég æfði með nokkrum liðum heima en innst inni langaði mér að vera áfram úti."
Milos Milojevic þjálfar Mjallby en Óttar lék undir hans stjórn hjá Víkingi R. á sínum tíma.
„Ég var líka hjá honum í 4-5 ár í yngri flokkunum og við þekkjumst mjög vel. Gísli (Eyjólfsson) verður líka þarna og það verður gott að tala íslensku þarna. Ég hlakka til að byrja."
Hér að ofan má sjá viðtalið í heild sinni.
Athugasemdir