Þremur leikjum var að ljúka í þriðju umferð FA bikarsins en þeir fóru allir í framlengingu.
QPR og Fulham mættust í Lundúnarslag og var staðan 0-0 eftir venjulegan leiktíma. Úrvalsdeildarliðið hafði hins vegar betur í framlengingunni þar sem Neeskens Kebano og Bobby Reid skoruðu í fyrri hálfleiknum og gerðu út um leikinn.
Burnley mætti MK Dons á heimavelli þar sem Jóhann Berg Guðmundsson spilaði 83. mínútur. Matej Vydra jafnaði metin fyrir Burnley í uppbótartíma fyrir heimamenn og kom þannig leiknum í framlengingu.
Ekkert var skorað í framlengingunni og því þurfti að grípa til vítaspyrnukeppni. MK Dons byrjaði keppnina betur og var 2-0 yfir en Burnley tókst að snúa taflinu við og vinna að lokum 4-3.
Daníel Leó Grétarsson og félagar í Blackpool, sem eru í C-deild, mættu úrvalsdeildarliðinu WBA á heimavelli. Staðan eftir venjulega leiktíma endaði 2-2 og ekkert var skorað í framlengingunni.
Blackpool hafði betur í vítaspyrnukeppnninni og fer áfram. Daníel spilaði 99. mínútur í leiknum.
QPR 0 - 2 Fulham
0-1 Bobby Reid ('104 )
0-2 Neeskens Kebano ('105 )
Burnley 1 - 1 Milton Keynes Dons ( 4-3 eftir vítaspyrnukeppni)
0-1 Cameron Jerome ('29 )
1-1 Matej Vydra ('90 )
Blackpool 2 - 2 West Brom ( 3-2 eftir vítaspyrnukeppni)
1-0 Jerry Yates ('41 )
1-1 Semi Ajayi ('52 )
2-1 Gary Madine ('66 )
2-2 Matheus Pereira ('80 , víti)
Athugasemdir