banner
   lau 09. janúar 2021 14:04
Guðmundur Aðalsteinn Ásgeirsson
Jóhann Berg spilar sinn fyrsta leik frá 23. nóvember
Mynd: Getty Images
Jóhann Berg Guðmundsson er í byrjunarliði Burnley sem mætir MK Dons í þriðju umferð FA-bikarins, elstu og virtustu bikarkeppni í heimi, í dag. Leikurinn hefst klukkan 15:00.

Jóhann Berg, sem er þrítugur að aldri, hefur átt í miklum vandræðum með meiðsli á tímabilinu. Hann hefur aðeins spilað í fjórum leikjum í ensku úrvalsdeildinni.

Síðasti leikur hans með Burnley var 23. nóvember þegar hann byrjaði í 1-0 sigri á Crystal Palace.

Það er gott að sjá íslenska kantmanninn aftur í byrjunarliði Burnley en hér að neðan má sjá byrjunarliðið í heild sinni.

Það verður nóg um að fara í FA-bikarnum í allan dag. Með því að smella hérna má skoða alla leiki dagsins.


Athugasemdir
banner
banner
banner
banner