Sheffield United situr á botni ensku úrvalsdeildarinnar með einungis tvö stig eftir sautján leiki.
Liðinu hefur gengið bölvanlega á þessari leiktíð eftir frábæra leiktíð í fyrra, en þá var liðið nýliðar í deildinni og var lengi vel í baráttunni um Evrópusæti.
Schalke 04, sem hafði ekki unnið í 30 leikjum í röð í þýsku úrvalsdeildinni, vann stórsigur í dag á Hoffenheim og var þetta fyrsti sigur liðsins á tímabilinu.
Matthew Hoppe, 19 ára gamall Bandaríkjamaður, gerði þrennu í leiknum og því tókst Schalke loksins að sigla þremur stigum heim.
Sheffield á heimaleik gegn Newcastle þann 12. janúar næstkomandi og spurning hvort liðinu takist að vinna loksins deildarleik og losna við þennan stimpil að vera eina liðið í topp fimm deildum Evrópu sem hefur enn ekki unnið leik, þegar tímabilið er að verða hálfnað.
Following Schalke 04's first league win of the season today, Sheffield United remain the only team in Europe's top five leagues without a league win this season.
— Squawka Football (@Squawka) January 9, 2021
😬 pic.twitter.com/K7ZgAJcxPL
Athugasemdir