„Ekkert leyndarmál að mig langi að róa á önnur mið"

Mynd: Fótbolti.net - Hafliði Breiðfjörð

Daníel Leó Grétarsson hefur ekki leikið stórt hlutverk hjá Blackpool sem spilar í ensku B-deildinni. Alls hefur hann spilað 163 mínútur í deildinni og níutíu mínútur í deildabikarnum.

Hann var ekki í hópnum í enska bikarnum í gær, í samtali við Fótbolta.net greindi hann frá því að hann hefði smitast af covid.

Daníel er orðinn langþreyttur af fáum tækifærum og er að kíkja í kringum sig. Hann verður samningslaus næsta sumar. Mínúturnar hafa þó allar komið í síðustu leikjum.

„Tækifærin eru búin að vera af skornum skammti, þannig það er ekkert leyndarmál að mig langi að róa á önnur mið. Hvort að af því verði verður að koma í ljós," sagði Daníel.

Var einhver umræða að þú færir með landsliðinu til Tyrklands?

„Nei, ekki að minni vitneskju. Ég er búinn að vera inn og út úr liðinu síðustu vikurnar en nældi mér í covid fyrir nökkrum dögum og gat ekki verið með liðinu í dag [gær]. Hópurinn er mjög þunnur núna þannig þeir hefðu aldrei hleypt mér," sagði Daníel en Blackpool lá 2-1 gegn Hartlepool í 3. umferð enska bikarsins í gær.

Daníel var kallaður inn í októberverkefni landsliðsins og kom við sögu í tveimur leikjum í því verkefni. Hann spilaði svo 90 mínútur í báðum landsleikjunum í nóvember.

Stöðutafla

#	Lið	L	mun	Stig
1	Charlton Athletic	3	+3	9
2	Wolves	3	+5	7
3	Swansea	3	+4	7
4	QPR	3	+3	7
5	Middlesbrough	3	+2	6
6	West Brom	3	+1	6
7	Millwall	3	+1	6
8	Birmingham	3	+1	5
9	Watford	3	+1	5
10	Blackburn	3	0	4
11	Bolton	3	0	4
12	Bristol City	3	-1	4
13	Cardiff City	3	0	3
14	Sheffield Utd	3	0	3
15	Portsmouth	3	-1	3
16	Norwich	3	-1	3
17	Lincoln City	3	-2	3
18	Southampton	3	+5	2
19	West Ham	3	-1	2
20	Wrexham	3	-1	2
21	Derby County	3	-4	1
22	Burnley	3	-5	1
23	Preston NE	3	-4	0
24	Stoke City	3	-6	0