Liðin mættust á Anfield og voru það heimamenn sem fóru með sigur af hólmi. Shrewsbury byrjaði leikinn vel og tók forystuna en Liverpool var komið 2-1 yfir fyrir leikhlé. Leikurinn endaði svo með 4-1 sigri Liverpool.

Leikmenn Shrewsbury fengu skemmtilega heimsókn í búningsklefa sinn eftir leik. Þangað mætti Virgil van Dijk, að margra mati besti miðvörður í heiminum. Hann gaf sér tíma og spjallaði við leikmenn Shrewsbury, sem mörgum dreymir eflaust að komast eins langt og hann.

Virkilega vel gert hjá Van Dijk sem er mikill fagmaður. Þess má geta að Shrewsbury er í ensku C-deildinni.