Úrslitin voru aldrei í hættu en lokatölur urðu 7-1, Kristianstad í vil en Svava Rós gerði þrjú af sjö mörkum liðsins. Þórdís Hrönn Sigfússdóttir komst einnig á blað með marki og Sif Atladóttir stóð vörnina í liði Kristianstad í leiknum.

Elísabet Gunnarsdóttir er að sjálfsögðu þjálfari Kristianstad.

Þetta var fyrsta umferð bikarkeppninnar en á þessu stigi er leikið í fjórum riðlum og fer efsta liðið úr hverjum riðli í undanúrslit keppninnar.

Fleiri Íslendingar voru í eldlínunni í dag en Glódís Perla Viggósdóttir spilaði allan leikinn er hennar lið, Rosengard, sigraði Limhamn Bunkeflo.

IngiBjörg Sigurðardóttir og Guðrún Arnardóttir spiluðu í liði Djurgarden sem vann nauman sigur á Uppsala en markið kom alveg undir lok leiksins. Anna Rakel Pétursdóttir spilaði síðan allar 90 mínúturnar í liði Linköping sem að sigraði Jitex, 4-1.