Fjölnir tilkynnti í gær að félagið hafi gengið frá þriggja ára samningi við Hilmi Rafn Mikaelsson (f. 2004).
Hilmir Rafn sem skipti yfir í Fjölni fyrir þremur árum frá Kormáki á Hvammstanga hefur verið í U-16 ára landsliðs úrtökum að undanförnu.
Hann er sóknarmaður og hefur skorað ófá mörkin eftir að hann kom í Grafarvoginn.
„Fjölnir bindur miklar vonir við þennan öfluga sóknarmann og á hann vonandi eftir að spila stórt hlutverk í meistaraflokki félagsins á næstu árum, segir í tilkynningu félagsins.
Athugasemdir