Emmanuel Petit, fyrrum miðjumaður Barcelona og Arsenal, segir að Lionel Messi myndi ekki ná sömu hæðum í ensku úrvalsdeildinni og Cristiano Ronaldo náði á sínum tíma.
Petit segir félagaskipti til Manchester United eða City vera galin fyrir félögin og Messi.
Petit segir félagaskipti til Manchester United eða City vera galin fyrir félögin og Messi.
„Í hreinskilni finnst mér hann ekki byggður fyrir átökin á Englandi," sagði Petit.
„Hann er ekki hrifinn af því þegar hann er í barningi og á Spáni er hann verndaður. Það væri frábært fyrir enska stuðningsmenn að fá hann en ég sé ekki af hverju Manchester City, sem dæmi, ætti að fá Messi í dag."
„Messi er ekki Cristiano Ronaldo. Hann er ekki með sömu vél og Ronaldo býr yfir. Ronaldo er skrímsli en 32 ára Messi á einungis eftir tvö eða þrjú ár á hæsta plani. Þó hann spili áfram á Spáni næstu árin með stórkostlegum leikmönnum þá er ekki það mikið eftir á tankinum hjá honum."
„Ég er viss um að Messi viti að það er ekki langt í endalokin," sagði Petit að lokum.
Athugasemdir