Það hafa margir gríðarlega öflugir hollenskir fótboltamenn spilað í ensku úrvalsdeildinni. Football365 setti saman lista yfir þá tíu bestu. Einhverjar athugasemdir? Til þess er ummælakerfið hér að neðan.
10) Georginio Wijnaldum - Hefur tekið miklum framförum hjá Liverpool og reynst liðinu vel.
9) Arjen Robben - Var hættulegur í enska boltanum en óslípaður og átti sín bestu ár eftir að hann yfirgaf Chelsea.
8) Marc Overmars - Kom með algjörlega nýja vídd í lið Arsenal.
7) Jimmy Floyd Hasselbaink - Kraftmikill en samt með flotta tækni. Hann og Eiður Smári náðu hrikalega vel saman í sókn Chelsea.
6) Edwin van der Sar - Átti mögnuð ár í enska boltanum, fyrst hjá Fulham og lyfti svo bikurum hjá Manchester United.
5) Robin van Persie - Raðaði inn mörkum hjá Arsenal áður en hann fór til Manchester United og gerði það sama.
4) Virgil van Dijk - Varnarmaðurinn öflugi er mikilvægasti leikmaður Liverpool.
3) Ruud van Nistelrooy - Var meðal þriggja markahæstu manna ensku úrvalsdeildarinnar í fjögur tímabil af fimm. Markaskorari af guðs náð.
2) Jaap Stam - Ótrúlegur varnarmaður sem var lykilmaður í þremur Englandsmeistaratitlum Manchester United. Sir Alex Ferguson hefur sagt að sín stærstu mistök hafi verið að selja hann.
1) Dennis Bergkamp - Snillingur, goðsögn, fótboltaguð. Stærstu lýsingarorðin eru notuð um Bergkamp.
Athugasemdir
