Jón Þór Hauksson.
Íslenska kvennalandsliðið gerði 1-1 jafntefli gegn Suður-Kóreu í seinni æfingaleik þjóðanna í Suður-Kóreu í morgun. Rakel Hönnudóttir skoraði mark Íslands í leiknum.
Á vefsíðu KSÍ er Jón Þór Hauksson í viðtali þar sem hann er spurður bæði út í leikinn í morgun og heildarframmistöðuna í þessum tveimur æfingaleikjum sem landsliðið lék gegn sterku liði Suður-Kóreu.
Á vefsíðu KSÍ er Jón Þór Hauksson í viðtali þar sem hann er spurður bæði út í leikinn í morgun og heildarframmistöðuna í þessum tveimur æfingaleikjum sem landsliðið lék gegn sterku liði Suður-Kóreu.
„Ég er gríðarlega ánægður að ná í úrslit hér og fara héðan taplausar gegn sterku liði Suður Kóreu. Ég er ánægður með úrslitin úr þessum leikjum og ég er ánægður með að það sé karakter í þessu hjá okkur í dag."
„Við lentum í vandræðum á köflum en við náðum að róa okkur niður og róa varnarleik okkar niður og ná að loka á því. Ég er ánægður með þá frammistöðu," sagði Jón Þór sem er ánægður með að hafa farið taplaus í gegnum þessa tvo æfingaleiki gegn Suður-Kóreu. Fyrri leikinn vann Ísland nokkuð sannfærandi.
„Ég er gríðarlega ánægður með að ná í úrslit í báðum þessum leikjum. Sigurinn var frábær í síðasta leik og við náðum góðu jafntefli hér í dag."
Jón Þór segir að fyrri æfingaleikurinn hafi verið betri hjá íslenska liðinu heldur en leikurinn í morgun.
„Við lentum í vandræðum, völlurinn í dag var ekki jafn góður og á laugardaginn og svo byrjaði að helli rigna þegar leið á leikinn."
Viðtalið við Jón Þór má sjá í sjónvarpinu hér að ofan.
Athugasemdir
