Watford vann góðan heimasigur á Reading í ensku Championship-deildinni í kvöld en leikið var á heimavelli þess fyrrnefnda, Vicarage Road.

Watford er á hraðri leið upp í ensku úrvalsdeildina eftir sigurinn en Ismaila Sarr gerði bæði mörk liðsins í leiknum sem endaði 2-0.

Watford er með 82 stig í öðru sæti deildarinnar, 12 stigum á undan Brentford sem er í því þriðja.

Það hefur gengið afar brösuglega hjá Brentford undanfarið og hefur liðið gert fjögur jafntefli í röð.

Brentford á þó tvo leiki til góða á Watford og getur minnkað forystuna niður í sex stig.