Valdimar Logi Sævarsson hefur skrifað undir sinn fyrsta leikmannasamning við knattspyrnudeild KA.
Þetta kemur fram í tilkynningu félagsins í kvöld en Valdimar er afar efnilegur leikmaður og fagnaði nýlega 15 ára afmæli sínu.
Valdimar skrifaði undir fjögurra ára samning við KA en hann varð Íslandsmeistari með 4. flokk félagsins í sumar.
Danska liðið Midtjylland hefur fylgst með leikmanninum sem fór á reynslu til Danmerkur í nóvember í fyrra.
Ungstirnið hefur komið við sögu í Lengjubikarnum í vetur í 5-0 sigri á Víkingi Ó. og 7-1 sigri á Aftureldingu.
Athugasemdir