Liðin mættust í Lyon í febrúar og höfðu heimamenn betur, 1-0, þökk sé marki frá Lucas Tousart.

„Leikurinn gegn Juventus hefur verið settur á 7. ágúst. Það er staðfest. Hann fer fram fyrir luktum dyrum í Tórínó," sagði Aulas í útvarpinu.

Leikurinn átti að fara fram í mars en hætt var við eftir að Daniele Rugani greindist með kórónuveiruna.

Leikmenn Lyon þurfa því að halda sér í leikformi með æfingaleikjum í sumar þar sem búið er að binda enda á franska deildartímabilið. Juve er í harðri titilbaráttu á Ítalíu og getur búist við þungu leikjaprógrami í sumar.

Aulas er mjög ósáttur með að ákveðið hafi verið að binda enda á franska tímabilinu og vinnur hörðum höndum að því að láta afturkalla ákvörðunina.

„Ef tilraun okkar til að láta afturkalla þessa ákvörðun misheppnast er ljóst að Lyon og PSG verður slátrað af liðum sem eru í betra standi líkamlega."