Adrian skoraði fyrir HB beint úr aukaspyrnu.
Fyrsta umferð færeyska tímabilsins fór fram í dag og fara Íslendingafélögin fyrrverandi af stað með sigri.
Stórleikur umferðarinnar var KÍ Klaksvík gegn B36. Klaksvík varð Færeyjameistari í fyrra með því að vinna B36 í hreinum úrslitaleik í lokaumferð.
B36 frá Þórshöfn hafði betur í dag en liðið hefur styrkt sig mikið fyrir tímabilið og krækt í öfluga leikmenn.
Stórleikur umferðarinnar var KÍ Klaksvík gegn B36. Klaksvík varð Færeyjameistari í fyrra með því að vinna B36 í hreinum úrslitaleik í lokaumferð.
B36 frá Þórshöfn hafði betur í dag en liðið hefur styrkt sig mikið fyrir tímabilið og krækt í öfluga leikmenn.
HB Þórshöfn vann deildina fyrir tveimur árum undir stjórn Heimis Guðjónssonar og varð bikarmeistari í fyrra. Liðið fór af stað í ár með 1-0 sigri gegn Streymi.
Adrian Justinussen skoraði eina mark leiksins beint úr aukaspyrnu með glæsilegum hætti. Rene Joensen, fyrrverandi leikmaður Grindavíkur, lék allan leikinn með HB.
Guðjón Þórðarson er ekki lengur við stjórnvölinn hjá NSÍ Runavík, sem fór vel af stað í dag með góðum sigri gegn TB Tvøroyri. Aron Knudsen hjá NSÍ skoraði fyrsta mark tímabilsins en faðir hans er Jens Martin Knudsen, fyrrum landsliðsmarkvörður Færeyja, sem lék fyrir Leiftur Ólafsfirði í kringum síðustu aldamót.
Guðjón tók við NSÍ Runavík fyrir síðustu leiktíð og náði þriðja sæti en lét af störfum eftir tímabilið.
Færeyska deildin er ein af örfáum deildum heimsins sem er komin aftur af stað eftir útbreiðslu kórónuveirunnar. Efsta deild þar í landi hefur aldrei fengið jafn mikla athygli og nú.
HB 1 - 0 EB/Streymur
1-0 Adrian Justinussen ('24)
Rautt spjald: Arni Olsen, Streymur ('90)
NSÍ 3 - 1 TB Tvøroyri
1-0 Aron Knudsen ('8)
2-0 Klæmint Olsen ('24)
3-0 Betuel Hansen ('86)
3-1 Rogvi Joensen ('93)
Skála 1 - 2 ÍF
0-1 Uros Stojanov ('21)
0-2 Uros Stojanov ('56)
1-2 Poul Kallsberg ('83)
KÍ Klaksvík 0 - 2 B36 Þórshöfn
0-1 Sebastian Pingel ('81)
0-2 Meinhard Olsen ('91)
AB Argir 0 - 0 Víkingur
Athugasemdir
