Fanndís Friðriksdóttir, landsliðskona og leikmaður Vals í Pepsi Max-deildinni, var til viðtals í þættinum Sportið í dag á Stöð 2 Sport í gær.
Hún var þar spurð út í ferilinn sinn en hún hefur leikið í Noregi, Frakklandi og í Ástralíu fyrir utan Ísland. Hér að neðan má lesa það sem hún sagði um dvöl sína í Noregi.
Hún var þar spurð út í ferilinn sinn en hún hefur leikið í Noregi, Frakklandi og í Ástralíu fyrir utan Ísland. Hér að neðan má lesa það sem hún sagði um dvöl sína í Noregi.
Fanndís fór til Noregs árið 2012 og gekk í raðir Kolbotn. Þaðan fór hún til Arna-Björnar og kom aftur heim í Breiðablik árið 2014.
Henry Birgir Gunnarsson, annar af þáttarstjórnendum þáttarins, spruði Fanndísi hvernig hefði verið að fara til Noregs.
„Það var ofsalega gott fyrir mig. Ég þurfti á nýrri áskorun að halda og hefði getað gert betur þrátt fyrir að það hefði gengið vel."
„Í Breiðabliki var ég í bómul og svo þegar ég var komin út þá er maður 'on your own' og ég var ekkert svakalega góð í því til að byrja með."
„Þetta var frábær reynsla en ég er svona lúxus-púta og þetta var fullmikið hark fyrir mig. Það er helsta ástæðan fyrir að ég kem aftur heim."
Athugasemdir