„„Það vantaði að við tækjum á því í kvöld. Við vorum hikandi í öllum okkar aðgerðum. Við vorum of langt frá þegar við vorum að verjast og þær gátu fært boltann eins og þær vildu á milli kanta. Við útfærðum varnaleikinn ekki nógu vel. Sóknarleikurinn var slappur líka og tengdum ekki neitt á milli línanna. Það var hik á liðinu og við vorum ekki alveg tilbúin í þetta", Segir Kristján Guðmundsson þjálfari Stjörnunnar eftir 3-0 tap á Kópavogsvelli gegn Breiðabliki í Bestu deild kvenna.
Lestu um leikinn: Breiðablik 3 - 0 Stjarnan
„Við hefðum kannski getað lagað eitthvað ef við hefðum farið með markalaust inn í hálfleikinn en það höfðu verið færi á báða bóga og þetta gat alveg gerst. Þetta mark er lýsandi um þetta sem ég sagði hér áðan. Við spörkum boltanum eitthvað fram beint á Blika sem skora. Við vorum ekki á deginum okkar." Segir Kristján um fyrsta mark leiksins sem kom rétt fyrir hálfleikinn.
„Við erum með plan fyrir það og alla aðra leiki en að keppa á móti Breiðablik og Val á fimm dögum er ákveðið verkefni en við féllum í dag á þessu prófi og tökum endurtektarpróf á Föstudaginn" Sagði Kristján um næsta leik liðsins sem er gegn Íslandsmeisturum Vals á Föstudaginn.
Viðtalið er í heild sinni hér að ofan.
Athugasemdir