Mainz hafnaði tilboðum frá fjórum enskum úrvalsdeildarliðum í sóknarmann sinn Jean-Philippe Mateta.
Mateta verður 22 ára í lok júní og gekk í raðir Mainz í fyrra. Þýska félagið greiddi metfé fyrir hann, eða 10 milljónir evra.
Hann gerði 14 mörk í 34 deildarleikjum hjá Mainz, þar af komu sjö í sjö síðustu leikjum tímabilsins. Mateta er franskur og hefur skorað 3 mörk í 8 leikjum fyrir yngri landsliðin.
Félögin sem um ræðir eru Everton, Watford, Newcastle og Southampton, en Cardiff City reyndi einnig að fá hann.
Tilboðin hljóðuðu ýmist upp á 20 eða 25 milljónir evra og hafnaði Mainz þeim öllum samstundis. Mateta er samningsbundinn til 2022 og hefur Mainz boðið honum nýjan samning sem gildir til 2024.
Athugasemdir