Sviss og England áttust við í þýðingarlitlum bronsleik Þjóðadeildarinnar.

Liðin mættu til leiks og voru í raun ekki að keppast um neitt nema bronsverðlaunapening og stig á heimslista FIFA.

Gareth Southgate gerði skemmtilegar breytingar á liði Englendinga og gaf Trent Alexander-Arnold tækifæri í hægri bakverðinum.

Ungstirnið átti stórleik og skapaði sjö færi í leiknum, sem er meira en aðrir leikmenn liðsins hafa skapað frá því að Þjóðadeildin hófst í fyrra.

Leikurinn var þó leiðinlegur og tókst hvorugu liði að skora þó England hafi verið betra liðið og komist í fleiri færi.

Framlengingin var markalaus en Raheem Sterling átti besta færið þegar hann skaut í slánna. Þá þurfti að grípa til vítaspyrnukeppni.

Bæði lið skoruðu úr fimm fyrstu spyrnunum sínum og því var farið í bráðabana. Þar klúðraði Josip Drmic fyrir Sviss og tryggði England sér bronsverðlaunin. Menn eflaust ánægðir að komast loksins í langþráð sumarfrí.

Til gamans má geta að Jordan Pickford skoraði úr fimmta víti Englendinga og varði svo frá Drmic.

Portúgal mætir Hollandi í úrslitaleiknum í kvöld. Hann verður sýndur beint á Stöð 2 Sport. Sigurvegarinn fær sæti á EM 2020.