Dier var í byrjunarliði Englands þegar Íslendingar slógu þá út í 16-liða úrslitum Evrópumótsins í Frakklandi sumarið 2016. Hann var tekinn útaf í hálfleik og í hans stað kom Jack Wilshere inn á völlinn.

Englendingar eru nú í óða önn að undirbúa sig fyrir mikilvægasta leik þjóðarinnar í langan tíma, undanúrslitaleikinn gegn Króatíu en England á nú möguleika að komast í úrslitaleik HM í fyrsta sinn frá árinu 1966.

„Eftir Íslands leikinn vissum við að breytingar voru nauðsynlegar og það þurfti að breyta miklu," sagði Dier.

„Þetta var augnablik þar sem við vissum að við værum virkilega óánægðir og við vissum að þetta gæti ekki gerst aftur. Við vissum að við gætum bætt upp fyrir þetta hér á heimsmeistaramótinu og ekkert annað gæti bætt upp fyrir tapið gegn Íslandi."