Jordan Henderson, leikmaður Liverpool, er tæpur fyrir leik enska landsliðsins gegn Króatíu í undanúrslitum HM á miðvikudagskvöld samkvæmt frétt Sky í dag.
Henderson er að glíma við meiðsli aftan í læri. Meiðslin eru ekki alvarleg en sjúkraþjálfarar enska landsliðsins ætla að meta stöðuna fyrir leikinn á miðvikudag.
Henderson var öflugur í sigrinum á Svíþjóð í fyrradag en hann hefur fengið lof fyrir frammistöðu sína á HM.
Gegn Kolumbíu í 16-liða úrslitunum hljóp Henderson meira en tveimur kílómetrum meira en næsti maður á vellinum.
Jamie Vardy er einnig tæpur fyrir leikinn á miðvikudag en hann meiddist gegn Kolumbíu í 16-liða úrslitunum í síðustu viku.
Athugasemdir