Jón Óli: Nýttum meðvindinn illa

„Ég sagði fyrir leikinn að þetta myndi ráðast á einu marki. Við gerum mistök sem kostuðu leikinn." sagði Jón Óli Daníelsson, þjálfari ÍBV, eftir 0-1 tap gegn Selfossi í Pepsi Max-deild kvenna.

Lestu um leikinn: ÍBV 0 - 1 Selfoss.

ÍBV spilaði með vindi í fyrri hálfleik og var Jón Óli ekki nægilega sáttur með sína leikmenn í fyrri hálfleiknum. Þá tjáði hann sig um leikinn í heild sinni og leikmannamarkaðinn.

„Við nýttum vindinn illa. Við vorum ekki góðar, sérstaklega ekki í fyrri hálfleik og heild yfir í leiknum. Hefðum átt að vera betri í fyrri hálfleik."

„Við fengum dauðafæri í seinni hálfleik sem við verðum að nýta betur."

„Ekkert að frétta eins og er, við erum að skoða málin."

Viðtalið í heild sinni má sjá hér að ofan.