„Ég er bara hrikalega sáttur, þetta var bara ótrúlega vel spilaður leikur af okkar hálfu."
Sagði Brynjar Þór Gestsson þjálfari ÍR eftir 1-0 sigur gegn grönnum sínum í Leikni í dag.
Sagði Brynjar Þór Gestsson þjálfari ÍR eftir 1-0 sigur gegn grönnum sínum í Leikni í dag.
Lestu um leikinn: ÍR 1 - 0 Leiknir R.
„Við ætluðum bara að þétta raðirnar og sækja hratt á þá, við vorum svolítið klaufalegir í upphlaupunum okkar, við hefðum getað búið til fleiri færi. Hinsvegar sýndum við bara þroskaðan varnarleik, menn hlupu mikið og hlupu fyrir hvorn annan og það eru einkenni liðsheildar."
ÍR töpuðu 6-1 gegn Þrótti í síðustu umferð en koma síðan til baka og vinna 1-0 í mikilvægum leik.
„Að svara svona sýnir styrkinn í drengjunum, attitude-ið, það er stór pungur á þeim og það er það sem einkennir þetta lið það er vinnusemi og samheldni og þá uppskera menn. Við töpuðum í síðasta leik og eins og ég segi shit happens."
Ágúst Freyr Hallsson skoraði mark ÍR í leiknum. Ágúst kom til ÍR í glugganum frá Leikni sem höfðu ekki not fyrir hann.
„Hann var vel mótiveraður og hann vildi sýna hvað í honum býr. Hann er góður fótboltamaður, hann er sterkur og það er vilji hjá honum og þetta er attitude-ið sem við þurfum og það var gott að fá hann í glugganum."
Athugasemdir