Sky gaf út lista í dag með leikmönnum sem vert væri að fylgjast með í landsleikjunum sem framundan eru í Þjóðadeildinni. Gylfi Þór Sigurðsson, heitasti leikmaður ensku úrvalsdeildarinnar er á listanum.
„Everton loksins að ná því besta út úr Gylfa eftir að honum var gefið frjálsræði í holunni. Gylfi skoraði eitt af mörkum tímabilsins í sigri á Leicester nú á dögnum, hans fjórða mark í jafnmörgum leikjum í röð."
„Stuðningsmenn Íslands vonast eftir því að Gylfi síni sömu tilþrif í landsleikjunum sem eru framundan af því að þjóðin þarf á honum að halda,"segir um Gylfa Þór á Sky Sports.
Ásamt Gylfa á listanum eru til að mynda Eden Hazard og Leroy Sané. Jadon Sancho nýjasti landsliðsmaður Englands er einnig á listanum.
Íslenska landsliðið mætir því franska klukkan 18:00 á fimmtudagskvöldið.
Athugasemdir
