Landsliðsfyrirliðinn Aron Einar Gunnarsson verður væntanlega í eldlínunni er Cardiff City fær Burnley í heimsókn til Wales. Það fara þá fjórir leikir fram klukkan 15:00.

Huddersfield Town fær West Ham í heimsókn á meðan Leicester City mætir Burnley á King Power-leikvanginum. Leikmenn Leicester koma til með að spila í sérstökum treyjum til að heiðra minningu fyrrum forseta félagsins sem lést í þyrluslysi á rétt fyrir utan leikvanginn.

Rafael Benitez og hans menn í Newcastle United mæta Bournemouth og Southampton spilar þá gegn Watford. Roy Hodgson fær þá verðugt verkefni á Selhurst Park en Tottenham er andstæðingurinn og fróðlegt að sjá hvort Harry Kane nái að halda sér í stuði líkt og í Meistaradeild Evrópu í vikunni.

Á sunnudaginn er svo veisla framundan. Liverpool fær Fulham á Anfield. Liverpool hefur verið í basli í undanförnum leikjum og vonast Jürgen Klopp til að snúa gengi liðsins við.

Gylfi Þór Sigurðsson kíkir á Stamford Bridge með vinum sínum í Everton og þá er stórleikur helgarinnar klukkan 16:30 en þá mætast Manchester City og Manchester United. City er í góðu formi og þá virðist Jose Mourinho vera að rétta úr kútnum hjá United.

Leikir helgarinnar:

Laugardagur:
12:30 Cardiff City - Brighton
15:00 Huddersfield Town - West Ham
15:00 Leicester City - Burnley
15:00 Newcastle United - Bournemouth
15:00 Southampton - Watford
17:30 Crystal Palace - Tottenham Hotspur

Sunnudagur:
12:00 Liverpool - Fulham
14:15 Chelsea - Everton
16:30 Arsenal - Wolverhampton Wanderers
16:30 Manchester City - Manchester United