En Ferdinand sem er einn af sérfræðingum sjónvarpstöðvarinnar BT Sport var spurður hvaða lið væri besta lið sem leikið hefur í ensku úrvalsdeildinni.

„Manchester United liðið árið 2008. Unnu Meistaradeildina í Moskvu og voru aftur í úrslitum árið eftir, þetta lið vann deildina fjórum sinnum."

Ferdinand finnst Manchester City liðið núna ekki það besta frá stofnun úrvalsdeildar en segir þá spila skemmtilegasta fótboltann.

„Þeir eru eitt skemmtilegasta lið sem spilað hefur í úrvalsdeildinni, þeir eru með skemmtilegt lið til að horfa á. Þeir spila lang skemmtilegasta fótboltann, þeir eru magnaðir." sagði Ferdinand um Manchester City.