„Okkur líður vel með úrslitin. Mér fannst við spila vel í seinni hálfleik og við erum ánægðir með að sigra," sagði Pierre-Emerick Aubameyang, fyrirliði Arsenal, eftir 1-3 endurkomusigur á West Ham í kvöld.

Aubameyang skoraði þriðja mark liðsins og lagði áður upp annað mark liðsins fyrir Nicolas Pepe.

„Við reyndum að spila hratt í leiknum og finna svæði, mér fannst okkur takast það. Í hálfleik sagði Freddie (Ljungberg, bráðabirgðastjóri Arsenal) okkur að auka hraðann."

„Þetta var erfiður leikur en við erum emeð gæði í hópnum og trú á sjálfum okkur. Við getum haldið áfram og unnið fleiri leiki. Við viljum taka þennan seinni hálfleik með okkur í restina af leiktíðinni."