Lennard segist vera fyrrverandi kærasta Ronaldo frá því þegar hann var enn leikmaður Manchester United fyrir áratugi síðan og segist hún ætla að afhjúpa hversu mikill geðsjúklingur maðurinn er í raun og veru.

„Eftir mikla íhugun hef ég ákveðið að setja mig í samband við Kathryn Mayorga og lögfræðiteymi hennar. Ég hef upplýsingar sem gætu hjálpað málinu hennar," skrifaði Lennard á Twitter.

„Hann sagði við mig að hann myndi láta ræna mér, skera mig niður í litla búta og henda mér ofan í á ef ég myndi hitta aðra menn eða yfirgefa húsið mitt. Ég hef sannanir fyrir þessu öllu, hann er geðsjúklingur.

„Ég er með skilaboð frá Ronaldo þar sem hann býður mér pening til að þegja. Ég sagði honum að fara í rassgat, þetta snýst ekki um peninga."

Lennard birti einnig hljóðupptökur á Twitter sem hún segir vera af Ronaldo. Þar er Ronaldo meðal annars að hrauna yfir samkynhneigða, nema að röddin á upptökinni virðist alls ekki vera röddin hans.

Lögfræðingar Ronaldo segja leikmanninn ekki kannast við Lennard og eru að undirbúa kærur.

„Ég veit að það myndi enginn trúa orðum mínum án sannana en ég er klár stelpa og hef nóg af sönnunum. Leikurinn er búinn."