„Þú getur séð aðra leikmenn sem eru ekki að fá tækifæri með landsliðinu núna en gætu fengið það eftir nokkur ár ef þeir eru ungir. Þetta er líka tækifæri til að sjá reyndari leikmennina betur."

„Ég get kynnst leikmönnum betur og leikmennirnir geta kynnst landsliðinu betur. Þegar þeir fá að spila með landsliðinu þekkja þeir starfsfólkið og svo framvegis."

Hugarfarið stórkostlegt
Íslenska liðið hefur æft undanfarna þrjá daga í Katar og Erik er sáttur með ferðina hingað til.

„Þetta hefur verið gott. Hugarfarið hefur verið stórkostlegt og það var líka alltaf þannig í janúar verkefnunum með Svía. Þú ert með nýja leikmenn sem eru mjög hungraðir. Gæðin eru upp og niður því að flestir leikmenn eru á undirbúningstímabili og þú verður að taka því að gæðin eru ekki 100%. Það koma mistök og tilfinningin fyrir boltanum er ekki 100% en hugarfarið er stórkostlegt hjá leikmönnum," sagði Erik.

Ekki ljóst hvort allir fái séns
Erik segir ekki ljóst hvort allir 23 leikmennirnir í hópnum fái tækifæri til að spreyta sig í leiknum á morgun og gegn Eistum á þriðjudag.

„Við Freyr (Alexandersson) höfum ekki ákveðið það ennþá. Við ætlum að láta eins marga leikmenn og mögulegt er spila en ég get ekki lofað því að allir spili. Ég vil sjá sem mest af leikmönnum á æfingum og í leikjum," sagði Erik.